قيادات الجنوب تعمل بالوكالة

260

كنت اليوم في طريقي عائد الى البيت على متن حافلة متوسطة ،واذا باثنين من الركاب يتبادلوا الحديث ،وكالعادة عن الجنوب ومصيره ، وعن القتل والاعتقالات للشعب الجنوبي من قبل قوات الامن والسلطة ، فرد احد المتحدين يا اخي فين قيادات الجنوب ..؟ فين راحوا ايش بيعملوا..؟ فرد عليه الثاني ااايييههه انت مش داري ..؟ قال الاول .. داري بأيه لاوالله مش داري ،.؟ قال اصلاً الذي اكتشفته ياعزيزي ان قيادات الجنوب كلهم يعملوا مع الشمال ضد الجنوب ..! قال الاول هيا بلا خرط وكلام فارغ من فين تجيب هذا الكلام اللي محد يفهمه ..طيب فهمني وفسر لي هذا الكلام..
فقال الثاني طيب اسمع ،مش يقولوا على سالم البيض معه علاقة مع الحوثي ..الحوثي شمالي .. مش يقولو العطاس معه علاقة مع حميد الاحمر ..حميد شمالي ..مش يقولوا عبدالله الناخبي معه علاقه مع توكل كرمان ..توكل كرمان شمالية..مش يقولوا طارق الفضلي معه علاقه مع صهره علي محسن الاحمر..علي محسن شمالي..مش يقولوا محمد علي احمد معه علاقه بعدربه منصور يعني ان له علاقة بعلي عبد الله صالح ..علي عبدالله صالح شمالي ..مش يقولوا هدى العطاس قيادية لنساء الجنوب ..هدى العطاس متزوجة على شمالي.. فقاطعه صاحبه وقال له يا اخي اتقي الله في كلامك هذا ودماء الشهداء الجنوبيين والجرحى والمعتقلين ايش بانقول لهم ..؟ اذا كان كلامك صحيح والله انها فضيحة مابعدها .. وصلنا المحطة ، وتوقف الحديث ، وكل منا طلعت في راسه خباره تحتاج تفسير .. يعني كل القادة بيعملوا بالوكالة ..؟ اذا كان هكذا الحكاية لماذا الشماليين يقتلون الجنوبيين ..؟